Jare Sekretaris Prusahaan SIG, Vita Mahreyni, SIG nyatet oleh-olehane usaha nek digunggung gedhene Rp. 34,96 Triliun. Bobot wungkul duwik lebon usaha iki mundhak teko 2,8% YoY dadi 24,01 Triliun. Sakliyane yo mergo mundhake gunggung dodolan sing payu, ugo mergo mundhake biaya bahan bakar, barengan karo mundhake rego batubara sing nyolok seru saksuwene tahun 2021.
Sak jerone tantangan jor-joran industri bahan bangunan sing tambah nemen ambek mundhake rego batubara sing nyolok, SIG iso ngliwati taun 2021 karo pencapaian kinerja dodolan sing apik
Gunggung kempul volume dodolane SIG nduk taun 2021 mundhak 1,6% dadi 40,47 juta ton teko tsun 2020 gedhene 39,85 juta ton, utamane dikontribusino teko mundhake penjualan regional sing mekar barengan mundhake kegiatan ekonomi nduk endi-endi negoro parane ekspor.
Nang taun 202, SiG wis nglaksanakno piro-piro program penggawean sing salah sijine iku Sustainability Initiatives yoiku kanggo ngewangi upoyo ngedhukno emisi karbon. Program penggawean iku ing antarane clingker faktor, mundhakno pemakaian alternative fuel karo efisiensi energy (listrik ambek thermal).
SIG yo ngatur lan noto emisi teko proses produksi liwat pemanfaatan teknologi sistem electrostatic precipirator, conditioning tower, karo bag filter nduk pabrik kanggo noto emisi debu. Kajobo iku, SIG yo nggunakno panas gas sing metu teko proses pembakaran kanggo pembangkit listrik nganggo teknologi Waste Heat Recovery Power Generation (WHRPG) nang Pabrik Tuban ambek Indarung.
ADVERTISEMENT
SCROLL TO RESUME CONTENT
“SIG yo manfaatno larakan kota sing sakdurunge wis diolah dadi Refused Derived Fuel (RDF) kanggo tenogo alternatif gantine batu bara nang Pabrik Narogong karo Cilacap. Pemanfaatan buangan kanggo bahan bakar alternatif iki minongko solusi kanggo ngatur lingkungan masyarakat sing luwih apik”, jare Vita Mahreyni.
SIG seng mimpin dadi penyedia solusi bahan bangunan wes oleh sertifikat Green Label kanggo semen PwrPro, selain iku yo nggae perjanjian karo Taiheiyo Cement Corporation (TCC) kanggo ngembangno smen lan ngolah larakan. SIG yo oleh penghargaan PROPER Hijau (ngluwihi kepatuhan) teko KLHK polae temen anggone ngelindungi lingkungan. (bgs/tik)
